Babae sa Magasin
ni Amy Luz U. Catalan
“strike a pose!”
isa dalawa tatlo
utos ng potograper
lahat ng ilaw nakatutok
maliwanag at mainit
parang tuod
hihintaying utusan muli
ang katawan at ang leeg
ang mga braso at mga binti
nakatingin sya sa kamera
nakatutok ang mga mata
walang kinang at sigla
isa dalawa tatlo
ilang ulit ang sigaw
hindi na sya gumagalaw
sa init ng mga ilaw
unti-unting nalulusaw
ang mukha at katawan
No comments:
Post a Comment