gusto nyo bang sumama sa buwan? 🌙
parang gusto ko na lang pumunta sa buwan!
doon ay tahimik at walang gulo
kung mag-iisa lang ako
malawak ang papasyalan
na walang pangambang may makanti ako
o may masabing gagamitin laban sa akin
doon ay walang tatawag sa akin na nanggugulo
o di kaya'y reklamo ng reklamo
tungkol sa lumang pagbabago
dahil doon wala naman akong pangulo
malayo ang buwan mula sa mga gustong sikilin
ang aking tunay na karapatang pantao
at pati na rin ang aking totoong pagkatao
doon ay hindi aabot ang pananakot
ng isang estadong madalas ay lasing
sa kapangyarihang pulpol at nagtatapang-tapangan
doon sa buwan hindi mapapawi ang lakas ko
dahil dito ko kinukuha ang ritmo ng oras
ng aking diwa at katawan
hindi magagapi ng anumang karahasan
dahil doon sa buwan
maaari akong maging walang-maliw
at patuloy na lumalaban
No comments:
Post a Comment